कानकां पक्कन, बाऽड्डी करिए,
मनांदे अस बसोआ ।
तुप्पां पखन, परसा बगै,
ते समझो आई गेया सोआ ।।
राह चलदे,पुर्पड़ी सडै,
ते पैरें लग्गै पुब्बल तत्त्ती ।
बदै करदा साड़ो-साड़ा,
ते बादलै करदी ‘कलाईमेट’ कबत्ती ।।
फूक्की-फूक्की जीवाश्म सारे,
हवा च फिरन ‘ग्रीनहाउसी’ गुंडे ।
‘वैश्विक तप्स’ दी पट्ठी
च
सबने दे बनी जाकन मरूण्डे ।।
‘कलाईमेट’ संकट ऐ गरमाया
ते फट्टै करदी किसानी धरती ।
तुप्पन लेई कोई हल नरोआ
लोडचदी वैज्ञानिकें दी खुल्ली भरती ।।
© अभय एस.डी. राजपूत, 2013
BADIYA KAMM KARAA KARDE O ABHAY. GOD BLESS YOU.
ReplyDeleteगुरु जी धनवाद! एने कम्में च तुनदा आशीष लोडचड़ा ऐ। मेद ऐ जे तुस मेरे कन्नै ओ।
Delete