कमपैन्नां बड्डन कनकां मुंजी
कु’न करदा बाऽड्डी हत्थे-हत्थे ।
तकनीकी दे सुख भोग्गै माहनु
उ’न डक्के लगदे तत्ते-तत्ते ॥
कु’न सामंबै भौ-पराली
सिद्धे मुंडें तिल्ली लांदा ।
खलासी मुक्कै सिद्धे-पदरे
गीत खुशी आले गांदा ॥
किन्ने जीवाणु, जीव-जंतु
फकोन्दे, रोह्ने दा
थारा खोंदे ।
डंगरें गी चारा नी लब्बे
बेचारे भुक्खे-भाने रोंदे ॥
मशीनी होई जिमी-दारी
मेहनत नी करै जनता प्यारी ।
‘चेंज’ होऐ करदी पक्की
बदलने दी करी लैओ त्यारी ॥
© अभय एस.डी. राजपूत, 2013
No comments:
Post a Comment